Kjekt når turkoppane endeleg tek til å verte ferdige !  Tidkrevjande arbeid, og ein lyt vere tolmodig med utholingsjarnet, men så er det fint å sjå det ferdige produktet, fint forma og godt pussa, og heilt til slutt olja og klar for utstilling og bruk.

Vi avslutta veke 36 med å måle bilete. Dette var kjekt og her var mange engasjerte born :) Vi laga handavtrykk på eit ark, for deretter å måle inn detaljar slik det vart eit dyr. Mange fantasifulle bidrag!

Endeleg kan vi sykle til skulen. Vi er også store nok til å nytte sykkelløypa bak skulen i friminutta! Dette har vi gleda oss til :)

5a og 5b starta friskt dette skuleåret med ein tur til Lievarden. Ein nydelig plass med superfin utsikt! Alle var flinke å gå. Vi kosa oss med blåbærplukking på veg opp, og leik på toppen. Kjekt at fleire foreldre og besteforeldre blei med. Buddy fekk også vere med, han var storfornøgd med det. voff voff

Vassverket arrangerte teiknekonkurranse for ei tid tilbake. Jonas i klassa vår blei utkåra til den heldige vinnaren. Denne teikninga vart forminska og brukt som etikett på drikkeflasker. Alle i 1-4.klasse fekk utdelt denne i ulike og flotte fargar. Flaks for resten av klassa, som dermed fekk minibusstur og omvisning både ved maskinstasjonen og på vassverket. Vi fekk stilig kake med etande papir av teikninga til Jonas og deilig kakao. Kjekk og lærerik tur!

I strålande sol kosa 4a og 4b seg på Mona. Ingen klaging, god leik og superflinke og kjekke elevar! Ein nydelig dag!!

Klasse 4a og 4b besøkte gjenvinningsstasjonen. Passa svært bra sidan vi akkurat har lært om gjenvinning og sortering av spesialavfall, restavfall og papp/papir i Tema- timane. Vi var så heldige å få ein ekspert til å forklare og guide oss gjennom stasjonen, nemleg faren til Brede i 4b. Dette var interessant lærdom både for vaksne og born!

I strålande sol gjekk 4a og 4b over Ljøbrekka! Britt var med og gjorde dagen enda meir strålande. Takk for hjelpa som motivator Britt- du er god å ha :) I tillegg var ei mor, ein bror og to bestemødre og Buddy med. Vi kosa oss :-)

Her ser du dei søte, snille og crazy elevane som no har blitt 4a! Dei er hoppande glade for å vere 4.klassingar! Iiiihaaaaa :)

Spreke 4.klassingar på langtur! Vi hadde ein superflott tur til Meraftashornet. Vår gode følgjesvenn Buddy var med til stor glede og motivasjon for mange :) Vi kosa oss med mykje blåbær på vegen og ein kjekk quiz på toppen. Flinke elevar!