Om elevrådet

Ved kvar grunnskule skal det for klassetrinna 5-7 og for klassetrinna 8-10 vere eit elevråd med representantar for elevane. Kommunen fastset talet på elevrepresentantar. Representantane skal veljast seinast tre veker etter at skulen har teke til om hausten.

Ein medlem av undervisningspersonalet på skulen skal ha som oppgåve å hjelpe elevrådet i arbeidet. Denne elevrådskontakten har møte- og talerett i elevrådet.

Leiaren for elevrådet kan kalle inn til møte i rådet i samråd med elevrådskontakten. Rådet skal i alle høve kallast inn når ein tredel av medlemmane i rådet eller rektor krev det.

Elevrådet skal fremje fellesinteressene til elevane på skulen og arbeide for å skape eit godt lærings- og skulemiljø. Rådet skal også kunne uttale seg i, og kome med framlegg i saker som gjeld nærmiljøet til elevane.

Elevrådet v/Sunnylven skule 2013-2014:
Gard Henrik Røyrhus Eliassen (leiar), Ole Iver Kjellstad (nestleiar), Julie S Røyrhus, Jakob Andreas Foldal, Loke Kjellstadli og Espen Ringdal
Kontaktlærar for elevråd: Ruth Hole Aaland